身為一個土生土長嘅香港人,小編最近都真係陷入咗一片愁雲慘霧之中。作為一個吃貨,最快令自己振作嘅方法就當然係食嘢啦!想必大家都好想支持一下香港人開的小生意,幫襯一下啲良心小店。
小編一直都以為天水圍係美食沙漠,但最近係小編偶然得知天水圍竟然有佛心壽司店,唔少食客都大賺佢地嘅壽司同刺身物美價廉,絕對係學生同小資嘅恩物。
魚彩壽司刺身專門店位於新北江商場1樓B2-B3鋪,店面唔大,只有簡陋嘅幾個坐位。雖然店仔細細,但都有好多選擇架!
除咗壽司同軍艦之外,呢度仲有刺身、手卷、海鮮丼,想食熱食可以叫炙燒系列或者烏冬,幾十蚊就夠你食得又飽又滿足。
呢度都有做外賣,散叫又得,叫拼盤更抵!呢度有3款拼盤,Gathering必點!不過由於人手唔多所以如果想叫外賣就要提早買啦!
最近如果想去食嘢嘅話,就要留意店家嘅Facebook啦,不過相信熟客們都可以體諒佢地唔開門嘅原因嘅!
魚彩壽司刺身專門店
地址:天水圍天湖路一號新北江商場一期一樓B2-B3鋪
電話:55964163
Facebook:魚彩壽司刺身專門店
All Image Via 魚彩壽司刺身專門店
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
![](https://homita.com.hk/upload/author/1496803207.png)
You May Also Like